Sunday, March 24, 2019

சம்ஜவுத்தா எக்ஸ்பிரஸ் ரயில் குண்டுவெடிப்பு வழக்கு : அனைவரும் விடுதலை என்ற தீர்ப்பு நீதித்துறையை கேலிக்கூத்தாக ஆக்கியுள்ளது.

என்.ஐ.ஏ (NIA) ஒரு நேர்மையற்ற நிறுவனம் என்பது மீண்டும் ஒருமுறை நிரூபணமாகியுள்ளது!*
சம்ஜவுத்தா எக்ஸ்பிரஸ் ரயில் குண்டுவெடிப்பு வழக்கில் சுவாமி அசீமானந்தா மற்றும் மற்ற மூன்று நபர்கள் விடுதலை என்ற NIA நீதிமன்ற தீர்ப்பு நீதித்துறையை கேலிக்கூத்தாக ஆக்கியுள்ளது. மேலும் இந்த வழக்கின் விசாரணையில் சந்தேகத்திற்கிடமான முறையில் நடந்துகொண்ட தேசிய புலனாய்வு அமைப்பு (NIA), அரசின் அழுத்தத்திற்கு உள்ளாகும் நேர்மையற்ற நிறுவனம் என்பது மீண்டும் ஒருமுறை நிரூபணமாகியுள்ளது என்று பாப்புலர் ஃப்ரண்ட் ஆஃப் இந்தியாவின் தேசிய தலைவர் E.அபுபக்கர் குறிப்பிட்டுள்ளார்.
12 வருடங்களுக்கு முன்பு இந்தியா மற்றும் பாகிஸ்தானுக்கு இடையிலான சம்ஜவுத்தா எக்ஸ்பிரஸ் ரயிலில் நிகழ்த்தப்பட்ட குண்டு வெடிப்பு என்பது இந்துத்துவ தீவிரவாத குழுக்களால் நடத்தப்பட்டு 68 அப்பாவி மக்களின் உயிரை பறித்த, இந்த தேசத்தின் மிக மோசமான தாக்குதல் சம்பவங்களில் ஒன்றாகும்.
நீதிபதி முன்பு சுவாமி அசீமானந்தா ஒப்புதல் வாக்குமூலம் அளித்திருந்த போதிலும், அவருக்கு தண்டனை பெற்றுத் தருவதிலிருந்து NIA தோல்வி அடைந்துள்ளது, இத்தகைய செயல்பாடுகள் புலனாய்வு நிறுவனத்தின் திறமை குறித்தும் நம்பகத் தன்மை குறித்தும் சந்தேகத்தை எழுப்புவதாக உள்ளது. NIA நீதிமன்றம் இதற்கு முன்பு அஜ்மீர் ஷரீஃப், ஹைதராபாத் மக்கா மசூதி மற்றும் மாலேகான் போன்ற ஹிந்துத்துவ தீவிரவாத தாக்குதல் வழக்குகளிலும் இவரையும் மற்ற பலரையும் விடுதலை செய்துள்ளது குறிப்பிடத்தக்கது.
முஸ்லிம் பெயர்களை கொண்ட வழக்குகளில் குற்றஞ்சாட்டப்பட்டவர்களுக்கு எதிராக ஆதாரங்களை திரட்டுவதற்கு ஆர்வம் காட்டியது போல் எந்தவொரு ஹிந்துத்துவா தீவிரவாத வழக்குகளை சார்ந்த குற்றவாளிகளுக்கு எதிராக ஆதாரங்களை திரட்ட NIA ஆர்வம் காட்டவில்லை.
நமது தேசத்தில் குற்றம் சாட்டப்பட்டவர்களின் மதத்திற்கு ஏற்றாற் போல் தீவிரவாத சம்பவங்கள் எவ்வாறு வெவ்வேறு முறையில் அணுகப்படுகின்றது என்பதற்கு இந்த அனைத்து வழக்குகளும் உதாரணமாகும். குறிப்பிட்ட குண்டுவெடிப்பு வழக்குகளில் குற்றம் சாட்டப்பட்டவர்கள் முஸ்லிம் சமூகத்தை சார்ந்தவர்களாக இருந்தால் அவர்களை தண்டிப்பதில் நமது நீதிமன்றங்கள் மிகவும் முனைப்புடன் செயல்படுகின்றது. கோத்ரா ரயில் குண்டுவெடிப்பு வழக்கில் குற்றம் சாட்டப்பட்ட ஒருவருக்கு ஆயுள் தண்டனை வழங்கப்பட்ட அதே நாளில் தான் குற்றம் சாட்டப்பட்டவர்களில் எந்த ஒரு நபருக்கும் தண்டனை வழங்கப்படாத சம்ஜவுத்தா தீர்ப்பு வெளி வந்துள்ளதை E.அபுபக்கர் நினைவு கூர்ந்துள்ளார்.
இத்தகைய இரட்டை நிலைக்கு குற்றஞ்சுமத்திய அரசின் மனோபாவம் காரணமாக வேறுபாடாக இருந்தபோதிலும், இது நமது தேசத்தின் நீதித்துறை நிர்வாகத்தின் மீது அவமதிப்பையே கொண்டுவரும். தேர்தல் போட்டியில் இருக்கும் பாஜக அல்லாத கட்சிகள் சம்ஜவுத்தா குண்டு வெடிப்பு வழக்கின் தீர்ப்பை குறித்து தமது கருத்தை தெரிவிக்க வேண்டும் என்று E.அபுபக்கர் வேண்டுகோள் விடுத்துள்ளார். NIAவின் இரட்டை நிலைப்பாட்டை அம்பலப்படுத்தியுள்ள இந்த சமீபத்திய தீர்ப்பின் வெளிச்சத்தில், காங்கிரஸ் மற்றும் மற்ற அரசியல் கட்சிகள் தாங்கள் அதிகாரத்திற்கு வந்தால் இத்தகைய புலனாய்வு அமைப்பை கலைப்பதற்கு தயாராக இருக்கிறார்களா என்பதை தெளிவுபடுத்த வேண்டும் என்றும் அவர் கேட்டுக் கொண்டுள்ளார்.
*இப்படிக்கு*
*டாக்டர். முஹம்மது ஷம்மூன்,*
*தலைவர், ஊடகம் மற்றும் மக்கள் தொடர்பு,*
*பாப்புலர் ஃப்ரண்ட், தலைமையகம், புது தில்லி.*

Saturday, March 23, 2019

பட்டுக்கோட்டை ~ திருவாரூர் வழித்தடத்தில் வரும் மார்ச் 26 முதல் 29 வரை சிறப்பு ரயிலை பயன்படுத்தி அதிவேக ரயில் சோதனை ஓட்டம்.

பட்டுக்கோட்டை ~ திருவாரூர் வரையிலான 76 கிலோ மீட்டர் தொலைவுக்கு அகல ரயில் பாதை அமைக்கும் பணிகள் இறுதி கட்டத்தை எட்டி, எஞ்சிய ஒரு சில பணிகள் தீவிரமாக நடைபெற்று வருகிறது.

இந்நிலையில், அதிராம்பட்டினம் ரயில் நிலையத்தில் சிக்னல் அமைக்கும் பணி நிறைவடைந்ததையொட்டி, சோதனைக்காக சிக்னல் விளக்குகள் எரியவிடப்பட்டுள்ளன.

பட்டுக்கோட்டை ~ திருவாரூர் வழித்தடத்தில் வரும் மார்ச் 26  முதல் 29 வரை சிறப்பு ரயிலை பயன்படுத்தி அதிவேக ரயில் சோதனை ஓட்டம் நடைபெற உள்ளதாகவும். இதில், தென் மண்டல ரயில்வே பாதுகாப்பு ஆணையர் கலந்துகொண்டு இந்த வழித்தடத்தில் உள்ள தண்டவாளம், ரயில் நிலையங்கள், ரயில்வே கேட், கேட் கீப்பர் அறை, சிக்னல்கள் போன்றவற்றில் ஆய்வை நடத்துவார் எனவும் தென்னக ரயில்வே வட்டாரங்கள் தகவல் தெரிவித்தன.





















Thursday, March 21, 2019

"தமிழகத்தை மிரட்டும் செக்ஸ் டூரிஸம்"

"தமிழகத்தை மிரட்டும் செக்ஸ் டூரிஸம்"
சர்வதேச அளவில் வளர்ந்துவரும் சமூக விரோதச் சுற்றுலா இது.
குழந்தைகளை மட்டுமே வன்புணரும் உளவியல் நோயான "பீடோ ஃபைலிக்"மன நோயாளிகளின் கூட்டங்களால் நடத்தப்படும் பெரும் வணிகம் இது.
அமெரிக்காவின் FBI தொடங்கி INTREPOLE வரைக்கும் இந்த கும்பலை பிடிக்க தனிப்படைகளை அமைத்திருக்கின்றன
நம் நாட்டில் மும்பை ;கோவா; புனே;டெல்லி;பெங்களூரு; சென்னை உள்ளிட்ட முக்கிய நகரங்ளில் பரவி பல ஆண்டுகள் ஆகிவிட்டதாக சொல்கிறார்காள் சமூக செயல்பாட்டாளர்கள்
“நமது நாட்டில் முதன்முதலாக கோவாவில் தொடங்கியது சைல்டு செக்ஸ் டூரிஸம்.
உலகம் முழுவதுமிருந்து பாலியல் இச்சைகளைத் தீர்த்துக்கொள்ள பெண்களைத் தேடி தாய்லாந்துக்கு வரும் கூட்டத்தைப் போல கோவாவுக்குக் குழந்தைகளைத் தேடி ஒரு கூட்டம் வருகிறது.
‘எஸ்கார்ட்’ என்கிற பெயரில் 10 வயது முதல் 15 வயது வரையிலான ஆண், பெண் குழந்தைகளை வெளிநாட்டு சுற்றுலா பயணிகள் தங்களுடன் தங்கவைத்துக்கொள்வார்கள்.
ஒரு நாள், மூன்று நாள், ஒரு வாரம், ஒரு மாதம் என பேக்கேஜெல்லாம் உண்டு. ஒரு நாளைக்கு ஆயிரங்களில் தொடங்கி லட்சங்கள் வரை கட்டணங்கள் கைமாறும்.
இயற்கைக்கு மாறான என்னென்ன வழிகள் இருக்கின்றனவோ அத்தனை வழிகளிலும் குழந்தைகளை அவர்கள் பாலியல் ரீதியாக துன்புறுத்துகிறார்கள்.
இதற்காக அங்கு அரசியல் பிரமுகர் துணையோடு நடக்கும் கட்டப் பஞ்சாயத்துகளில் கோடிகளில் பணம் விளையாடுகின்றன.
அவர்களுடன் குழந்தைகள் கழிக்கும் ஒவ்வொரு நிமிடங்களுமே நரகத்துக்குச் சமம்.
கடந்த ஐந்து ஆண்டுகளாக கோவா மட்டுமல்லாமல், நாட்டின் முக்கிய நகரங்களில் ‘பீடோ ஃபைலிக்’ நோயாளிகள் சுற்றுலாப் பயணிகளாக சாரை சாரையாக வருகிறார்கள்.
தமிழகத்தில் சென்னை - வடபழனி, சாலிகிராமம், கே.கே.நகர், தி.நகர், கோடம்பாக்கம், போரூர் இங்கெல்லாம் பாலியல் தொழிலைவிட கூடுதல் வருமானம் கொட்டும் தொழிலாக மாறியிருக்கிறது ‘சைல்டு செக்ஸ் டூரிஸம்’.
ஆண்குழந்தைகளும் பெண் குழந்தைகளும் இந்த தொழிலுக்காக குறி வைத்து கடத்தபடுகிறார்கள்
குழந்தைகள்தொலைந்துவிட்டால்...நாம் என்ன செய்ய வேண்டும்
விபத்தில் சிக்கியவர்களுக்கு ‘கோல்டன் ஹவர்’ எந்தளவுக்கு முக்கியமோ அந்தளவுக்குக் காணாமல்போன குழந்தைகளுக்கு முதல் இரண்டு மணி நேரம் ‘கோல்டன் ஹவர்’ என்கிறார்கள் காவல் துறையினர்.
எனவே, குழந்தை காணாமல்போனது உறுதியானால் உடனடியாக அவசர எண் 100, ‘சைல்டு ஹெல்ப் லைன் எண் 1098’ மற்றும் அருகிலுள்ள காவல் நிலையத்துக்குக் குழந்தையின் அங்க அடையாளங்கள், உடையின் நிறம் உள்ளிட்ட தகவல்களைப் பதிவுசெய்யுங்கள். புகைப்படம் மிகமிக அவசியம்.
சென்னை போன்ற பெருநகரங்களில் இணையம் வழியாக மாநகரக் காவல் துறை ஆணையருக்கும் மின்னஞ்சல் அனுப்புங்கள்.
வீட்டின், அலுவலகத்தின் பணியாளர்கள், ஓட்டுநர்கள், அக்கம்பக்கத்தில் யார் மீது சந்தேகம் என்றாலும் அவர்களின் அலைபேசி எண்ணைக் குறிப்பிட்டு காவல் துறையிடம் தகவலைச் சொல்லுங்கள்
. இவையெல்லாம் முதல் ஒரு மணி நேரத்தில் நடக்க வேண்டும். அடுத்த ஒரு மணி நேரத்தில் காவல் துறையினர் சம்பந்தப்பட்ட நபர்களையும் சுற்றுவட்டாரப் பகுதிகளையும் முழுவதுமாக தங்களது கண்காணிப்பு வளையத்துக்குள் கொண்டுவந்துவிடுவார்கள்.
கட்டணம் வசூலிக்கும் சுங்கச் சாவடிகள் தொடங்கி, சோதனைச் சாவடிகள், நெடுஞ்சாலை ரோந்து வாகனங்கள், ‘ரெட் பிரிகேட் பிரிவு, ப்ளூ பிரிகேட் பிரிவு ஆகிய இருசக்கர வாகன அணியினரும் களமிறக்கப்படுவார்கள்
எந்த கடுமையான சட்டமும் யாரையும் கட்டுப்படுத்தாது. ஏனென்றால் நம் நாட்டில் சட்டத்திற்குள் ஓட்டை இல்லை ஓட்டைக்குள் தான் சட்டமே இருக்கிறது. நம் குழந்தைகளை முடிந்த வரை நாம் காப்பாற்றிக் கொள்ள வேண்டும்
.இது அரசியல் பதிவு அல்ல. குழந்தைகளின் பாதுகாப்பை ஒவ்வொருவரும் உறுதி செய்ய வேண்டிய கட்டாயத்தில் இருக்கிறோம். இந்த Group active members எல்லாருமே இந்த பதிவை படிக்கனும் தங்கள் கருத்துக்களையும் குழந்தைகளின் பாதுக்காப்பிற்கான ஆலோசனைகளையும் பதிவு செய்ய வேண்டும் என தாழ்மையுடன் கேட்டுக்கொள்கிறேன்.
நன்றி!
- ஜி.அர்ச்சனாLLM. , PGDFL. , MBA. , DHE. ,
 அரசு சிறப்பு குற்றப் பொது வழக்கறிஞர்
மாவட்ட விரைவு வழி மகளிர் நீதிமன்றம்
திருவண்ணாமலை மாவட்டம்

Friday, February 8, 2019

கருவை காக்கும் கருவேப்பிலை

கருவை காக்கும் கருவேப்பிலை
உணவு வகைகளில் ருசிக்காகவும், மணத்திற்காகவும் மட்டுமே கருவேப்பிலை சேர்க்கப்படுவதாக பலரும் கருதுகிறோம்.
ஆனால் இதில் எண்ணற்ற மருத்துவ பலன்கள் அடங்கியுள்ளன.
கருவேப்பிலை ஒரு சத்து நிறைந்த உணவு பொருளாகும், இதில் 63 சதவிகித நீரும், 6.1 சதவிகித புரதமும், ஒரு விழுக்காடு கொழுப்பும், 4 விழுக்காடு தாதுப்புகளும், 6.4 சதவிகித நார்ச்சத்தும், 18.7 சதவிகித மாவுச்சத்தும் இருக்கின்றன.
சுண்ணாம்பு சத்து. மக்னீசியம், இரும்பு சத்து, தாமிர சத்து, கந்தக சத்து மற்றும் குளோரின், ஆக்ஸாலிக் ஆஸிட் போன்றவையும் கருவேப்பிலையில் உண்டு.
நாட்டுக் கருவேப்பிலை உணவாகவும், காட்டுக்கறிவேப்பிலை மருந்தாகவும் பயன்படுகிறது. காட்டுக் கருவேப்பிலையின் இலை சற்றுப் பெரிதாகவும் கசப்பு அதிகம் உள்ளதாகவும் இருக்கும்.
நாட்டுக் கருவேப்பிலை இலை அதனைவிடச் சிறிதாகவும், இனிப்பும், துவர்ப்பும் நறுமணமும் உள்ளதாக இருக்கும்.
கருவேப்பிலையின் இலை, ஈர்க்கு, பட்டை, வேர் போன்ற இதர பொருட்களும் உணவாகவும் மருந்தாகவும் பயன்படுகிறது.
கருவேப்பிலை குழம்பு
துவரம்பருப்பு, மிளகு, வரமிளகாய், கருவேப்பிலை மற்றும் புளி ஆகியவற்றை எண்ணெயில் வதக்கி அரைக்கவும். இத்துடன் எண்ணெயில் வதக்கிய தேங்காய் துருவலை சேர்த்து நைசாக அரைத்து கொள்ளவும்.
எண்ணெய் விட்டு, கடுகு, பெருங்காயம், கருவேப்பிலை சேர்த்து தாளித்து அரைத்த கலவை சேர்த்து கொதிக்கவிட்டு கெட்டியான குழம்பானதும் இறக்கவும்.
பயன்கள்
இதை கர்ப்ப காலத்தில் பெண்கள் சாப்பிடுவதன் மூலம் வளரும் கருவுக்கு அதிக ஆரோக்கியம் கிடைக்கும்.
பெண்களுக்கு இருக்கும் முடிக் கொட்டும் பிரச்சனை நீங்குவது மட்டுமின்றி கண்பார்வையும் நன்றாக தெரியும்.
கருவேப்பிலை துவையல்
கடாயில் எண்ணெய் ஊற்றி கருவேப்பிலை, தேவையான அளவு இஞ்சி, பச்சைமிளகாய் போன்றவற்றை வதக்கி கொள்ள வேண்டும்.
இதில் சிறிதளவு உப்பு சேர்த்து மிக்சியில் மிதமாக அடித்தால், கருவேப்பிலை துவையல் ரெடி.
பயன்கள்
இதை சாதத்தில் கலந்து சாப்பிடுவதன் மூலம் புத்தி கூர்மை அதிகரிக்கும், பித்தத்தை தணித்து உடலின் உஷ்ணத்தை குறைக்க உதவும்.
சளி இரும்பலை உடனடியாக விரட்டியடிக்கும், மேலும் மனநலம் சரியில்லாதவர்களுக்கு இதை அளிப்பதன் மூலம், பைத்தியம் நீங்கி சுயநினைவு திரும்ப பல வாய்ப்புகள் உள்ளன.

Wednesday, February 6, 2019

இஸ்லாத்திற்கு எதிராக புத்தகம் எழுத ஆரம்பித்தவர் இறுதியில் இஸ்லாத்தை ஏற்றுக் கொண்டார்.



நெதர்லாந்தின் முன்னால் MP ஜோரம் வான் லவரன் - Joram van Klaveren இரண்டு நாட்களுக்கு முன் புனித இஸ்லாத்தை ஏற்றுக் கொண்டார்.
=========================
நெதர்லாந்தின் முன்னால் MP ஜோரம் வான் லவரன் - Joram van Klaveren தான் இஸ்லாத்தை ஏற்றுக் கொண்டதாக ஊடகங்களுக்கு பகிரங்கமாக அறிவித்துள்ளார். - சர்வதேச ஊடகங்கள் இதனை உறுதிப்படுத்தியுள்ளன.
டச்சு – நெதர்லாந்தின் தீவிர வலதுசாரி கட்சியின் முன்னால் உறுப்பினரும், முன்னால் பாராளுமன்ற உறுப்பினருமான ஜோரம் வான் லவரன் இஸ்லாத்திற்கு எதிராக கடுமையான கருத்துக்களை தெரிவித்து வந்தவராவார்.
2010 – 2014 காலப் பகுதியில் நெதர்லாந்து சுதந்திரக் கட்சியின் - Freedom Party (PVV) பாராளுமன்ற உறுப்பினராக செயல்பட்ட ஜோரம், பின்னர் தனிக் கட்சி ஆரம்பித்து 2017ம் ஆண்டு தேர்தலில் போட்டியிட்டு தோல்வியடைந்தார்.
தேர்தல் தோல்வியுடன் தீவிர அரசியலில் இருந்து விலகியிருந்த ஜோரம் அவர்கள் தான் கடுமையாக எதிர்த்து விமர்சனம் செய்து வந்த இஸ்லாத்தைப் பற்றிய ஒரு நூலை எழுத ஆரம்பித்திருந்தார்.
ஜோரம் அவர்கள் தீவிர அரசியலில் ஈடுபட்டுக் கொண்டிருந்த நேரத்தில் இஸ்லாமிய மார்க்கத்தை பொய்யான மார்க்கம் என்றும், குர்ஆன் என்பது விஷம் என்றும் கடுமையான விமர்சனத்தை தொடர்ந்தும் முன்வைத்து வந்தவராவார்.
தான் இஸ்லாத்தின் மீதும், குர்ஆன் மீதும் முன்வைத்து குற்றச்சாட்டுக்கள் மிகத் தவறானவை என்பதை தற்போது உணர்வதாக ஜோரம் தெரிவித்துள்ளார்.
தான் இஸ்லாத்தை விமர்சித்து எழுத ஆரம்பித்த நூலுக்காக இஸ்லாம் பற்றிய பல செய்திகளை அவர் ஆழமாக படிக்க ஆரம்பித்திருந்தார்.
இஸ்லாத்தின் மிகப் பெரும் எதிரியாகவும், மிகப் பெரும் விமர்சகராகவும் இருந்து, இஸ்லாத்தை எதிர்ப்பதற்காகவே புத்தகம் எழுத ஆரம்பித்த ஜோரம் பின்னர் இஸ்லாத்தின் கருத்துக்களால் ஈர்க்கப்பட்டு இஸ்லாத்தை ஏற்றுக் கொண்டார். - அல்லாஹ்வுக்கே புகழ் அனைத்தும்.
40 வயதாகும் ஜோரம் அவர்கள் கடந்த 2018ம் ஆண்டு அக்டோபர் 26ம் தேதி இஸ்லாத்தை ஏற்றுக் கொண்டுவிட்டார். அதனை வெளியுலகுக்கு பகிரங்கப்படுத்தாமல் இருந்தார்.
“இஸ்லாத்தை விமர்சிக்கும் விதமாக நான் ஒரு புத்தகத்தை எழுதிக் கொண்டிருந்த நிலையில், இஸ்லாத்தை நானே ஏற்றுக் கொள்ளும் நிலை ஏற்பட்டு விட்டது.”
“புத்தகத்தை எழுதிக் கொண்டிருக்கும் போது இஸ்லாத்தைப் பற்றி அதிகமாக தெரிந்து கொள்ளும் சந்தர்ப்பம் கிடைத்தது. அதுதான் இஸ்லாம் பற்றிய என்னுடைய முழுமையான பிழையான கருத்துக்களையும் மாற்றி விட்டது.” என்று நெதர்லாந்தின் வானொலி சேவைக்கு ஜோரம் அளித்துள்ள பேட்டியில் தெரிவித்துள்ளார்.
இஸ்லாத்தின் உண்மைத் தன்மையை பற்றிய செய்திகளை படித்துணராமல் விமர்சிப்போர் மாத்திரமே இஸ்லாத்திற்கு எதிராக செயல்படுகிறார்கள்.
குர்ஆனையும், நபிகள் நாயகம் (ஸல்) அவர்களின் ஆதாரபூர்வமாக பதிவு செய்யப்பட்டுள்ள செய்திகளையும் படித்துணர்ந்து கொள்ளும் யாரும் இஸ்லாத்தின் பக்கம் ஈர்க்கப்பட்டு விடுவார்கள் என்பதற்கு கடந்த கால வரலாற்றுடன் இவரும் ஓர் வரலாற்று முன்னுதாரணமாகும்.
திருமறைக் குர்ஆனின் நேர்வழிக்கான தெளிவான அழைப்பை ஏற்றுக் கொள்ளும் எவரும் இஸ்லாத்தின் இன்பத்தை அடைந்து கொள்வார்கள்.
வேதமுடையோரே! நாம் அல்லாஹ்வைத் தவிர (யாரையும்) வணங்கக் கூடாது; அவனுக்கு இணையாக எதையும் கருதக் கூடாது; அல்லாஹ்வை அன்றி நம்மில் ஒருவர் மற்றவரைக் கடவுள்களாக ஆக்கக் கூடாது என்ற எங்களுக்கும், உங்களுக்கும் பொதுவான கொள்கைக்கு வாருங்கள்!
இறை வேதம், அல்குர்ஆன் 03:64
-ரஸ்மின் MISc

Tuesday, February 5, 2019

அதிரையில் சாலை மறியல் போராட்டம்

ஏறிப்புரைக்கரை அங்காடியில் புயல் நிவாரணம் 27 பொருட்கள் முறையாக தராததால் மக்கள் காதிர் முகைதீன் கல்லூரி அருகில் உள்ள ECR சாலையில் மக்கள் திடீர் சாலை மறியலில் ஈடுபட்டுள்ளனர் .








Monday, February 4, 2019

அறிவின் பக்கங்கள் - தெரிந்து கொள்ளுங்கள்

தெரிந்து கொள்ளுங்கள்

நாம் அனைவரும் ஃபோன் கால்களை எடுத்ததும், நம்மையும் அறியாமல் 'ஹலோ' என்று கூறுவோம். இந்த 'ஹலோ' என்ற வார்த்தை எப்படி பிறந்த்து தெரியுமா???

தொலைப்பேசியை கண்டுப்பிடித்த அலெக்சான்டர் க்ராஹம் பெல்-ன் காதலியின் பெயரிலிருந்து வந்த வார்த்தை தான் 'ஹலோ'.

அதிரையில் ரயில்வே பணிகள் தீவிரம்

அதிரையில் சில நாட்களாகவே ரயில்வே பணிகள் மிக தீவிரமாக நடைபெற்றுக்கொன்று இருக்கிறது .மிக விரைவில் அதிரைவாசிகள் பழைய ஞாபகத்துடன் ரயிலில் பயணிக்க காத்துகொண்டு இருக்கின்றனர் .

உங்களுக்காக சில ரயில்வே பணிகளின் புகைப்படங்கள் .











அதிரையில் குளிர்ந்த காற்றுடன் மேகமூட்டம் .

அதிரையில் குளிர்ந்த காற்றுடன் மேகமூட்டம் காணப்படுகிறது . ஒரு சில நாட்களாக வெப்பம் அதிகரித்து காணப்பட்டது , இந்த மேகமூட்டத்தால் அதிரைவாசிகள் மகிழ்ச்சியுடன் காணப்படுகின்றனர் .