இஸ்லாமிய நம்பிக்கை காரணமாகவே அணு ஆயுதத்தை விரும்பவில்லை – ஆயத்துல்லாஹ் காம்னஇ!

18 Feb 2013

     டெஹ்ரான்:அமெரிக்க, மேற்கத்திய நாடுகளின் எதிர்ப்பை பயந்து அல்ல மாறாக இஸ்லாமிய மார்க்க நம்பிக்கை காரணமாகவே அணு ஆயுதம் வேண்டாம் என்ற முடிவை எடுத்துள்ளதாக ஈரானின் ஆன்மீக தலைவர் ஆயத்துல்லாஹ் அலி காம்னஇ தெரிவித்துள்ளார்.

     இது தொடர்பாக ஆயத்துல்லாஹ் அலி காம்னஇ கூறியது:

     மனித சமூகத்திற்கு தீங்கு விளைவிக்கும் ஆயுதங்களை தயாரிப்பதும், விற்பதும், உபயோகிப்பதும் இஸ்லாமிய கோட்பாடுகளுக்கு எதிரானது. ஆனால், அணு ஆயுதத்தை தயாரிக்க ஈரான் விரும்பினால், அமெரிக்கா மட்டுமல்ல யார் எதிர்த்தாலும் அதிலிருந்து பின்வாங்கமாட்டோம். மனித உரிமைக்கு தீங்கு விளைவிக்கும் அமெரிக்கா மனித உரிமைகள் குறித்து பெருமை பேசுகிறது. அணுசக்தி விவகாரத்திலும் அமெரிக்கா இரட்டை வேடம் போடுகிறது. இவ்வாறு அவர் கூறினர்.