அமெரிக்காவில் உள்ள லாஸ் வேகாஸ் பகுதியில், ஹெலிகாப்டர் ஒன்று மலையில் மோதி விபத்துக்குள்ளானதில், பைலட் உட்பட நான்கு பேர் பலியாகினர். அமெரிக்காவின் நெவடா மாகாணத்தில், லாஸ் வேகாஸ் அருகே, ஹூவர் அணை உள்ளது. சுற்றுலாத் தலம் என்பதால், இங்கு வரும் சுற்றுலாப் பயணிகள், ஹெலிகாப்டரில் அணையை சுற்றிப் பார்ப்பது வழக்கம். லாஸ் வேகாசில் உள்ள சன்டான்ஸ் என்ற நிறுவனம், இதற்கான ஹெலிகாப்டர் சேவையை மேற்கொண்டுள்ளது.
நேற்று முன்தினம் மாலை, அந்நிறுவனத்திற்கு சொந்தமான ஹெலிகாப்டரில், பைலட் மற்றும் சுற்றுலாப் பயணிகள் மூன்று பேர், அணையை சுற்றிப் பார்க்கச் சென்றனர். அணையின் மேற்பரப்பில் பறந்து கொண்டிருந்த ஹெலிகாப்டர், திடீரென அருகில் உள்ள மலையில் மோதி விபத்துக்குள்ளானது. இதில், நான்கு பேரும் உயிரிழந்தனர். இரவு நேரம் என்பதுடன், விபத்து நடந்த பகுதி உள்ளடங்கி இருப்பதால், மீட்புப் பணிகளில் தொய்வு ஏற்பட்டுள்ளது என, உள்ளூர்வாசி ஒருவர் தெரிவித்தார்.
thdipaar.com
as
0 comments:
Post a Comment